ქვევრის გახსნა კახეთში განსაკუთრებული ტრადიციაა, რომელიც ახალი ღვინის — ახალი სიცოცხლის დაბადებას ნიშნავს. ეს პროცესი თაობიდან თაობას გადაეცემა და მასში ქართული ღვინის სული და ხასიათი იგრძნობა.

როგორ იხსნება ქვევრი?

ქვევრი მიწაშია ჩაფლული. დუღილის პროცესის დამთავრების შემდეგ, იგი ილუქება და 6 თვის განმავლობაში ღვინო ყოვნდება ჭაჭაზე (დურდოზე), რა დროსაც ღვინო გადის ბუნებრივ ფილტრაციას.

• მომზადება: ქვევრის თავის მოხდა ხდება იდეალურად სუფთა გარემოში.

• ამოღება: სპეციალური ხელსაწყოთი — ორშიმოთი — ღვინოს პირველად ამოიღებენ და ასხამენ ჭიქებში. ეს არის ღვინის პირველი სუნთქვა და პირველი გემო.

• დაგემოვნება: ღვინოს ყნოსავენ და აგემოვნებენ, რათა დარწმუნდნენ მის ხარისხსა და უნიკალურ არომატში.

ქვევრის გახსნის შემდეგ:

• პირველი სადღეგრძელო: პირველი ყლუპი აუცილებლად ტრადიციული სადღეგრძელოთი — უფლის დიდებით — იწყება.

• კახური სამზარეულო: ახალი ღვინო იდეალურად ეხამება მწვადს, ხაშლამას, ხაჭაპურს, ჩაქაფულს და ჯონჯოლს.

• ზეიმი: გახსნის ცერემონია მიმდინარეობს კახური „მრავალჟამიერის“ თანხლებით, ხოლო კახური სუფრა სიმღერითა და ტრადიციული ცეკვებით გრძელდება.

მოემზადეთ ქვევრის გახსნის დაუვიწყარი რიტუალისთვის ძმები ხუციშვილების მარანში!

📅 21 მარტი